"على اسم مصر"
المدونة اسمها "على اسم مصر" مستوحى من قصيدة "على اسم مصر" ل صلاح جاهين اللي كتبها في 1970 واللي هي بالنسبة لي من
أحلى القصائد اللي قريتها في حياتي وف رأيي هي من أحلى ما كتب في حب مصر لأنها ببساطة بتلخص كل حاجة بتخللي مصر هي .
.مصر بكل ما فيها من "زحمة" وغنى وتنوع مالوش مثيل في التاريخ والأحداث والتفاصيل والأشخاص والتراث والفن.
هدف من أهم أهداف المدونة أو البلوج دي إنها تقدم شرح بسيط وسهل عن الاثار والتاريخ والتراث، بشكل ممكن لأي حد مش متخصص يفهمه ويوصلله.
هدف من أهم أهداف المدونة أو البلوج دي إنها تقدم شرح بسيط وسهل عن الاثار والتاريخ والتراث، بشكل ممكن لأي حد مش متخصص يفهمه ويوصلله.
الكتابات عالمدونة غالبا هاتهم بمصر الاثار والتراث والتاريخ يس غالبا أيضا ممكن تهتم بحاجات تانية والله الموفق والمستعان :)....هنا جزء من القصيدة العظيمة:
"
على اسم مصر التاريخ يقدر يقول ما شاء
| |
أنا مصر عندي أحب وأجمل الأشياء
| |
باحبها وهي مالكه الأرض شرق وغرب
| |
وباحبها وهي مرميه جريحة حرب
| |
باحبها بعنف وبرقة وعلى استحياء
| |
واكرهها وألعن أبوها بعشق زي الداء
| |
واسيبها واطفش في درب وتبقى هي ف درب
| |
وتلتفت تلقيني جنبها في الكرب
| |
والنبض ينفض عروقي بألف نغمة وضرب
| |
على اسم مصر
| |
مصر النسيم في الليالي وبياعين الفل
| |
ومرايه بهتانة ع القهوة .. أزورها .. واطل
| |
القى النديم طل من مطرح منا طليت
| |
والقاها برواز معلق عندنا في البيت
| |
فيه القمر مصطفى كامل حبيب الكل
| |
المصري باشا بشواربه اللي ما عرفوا الذل
| |
ومصر فوق في الفراندة واسمها جولييت
| |
ولما جيت بعد روميو بربع قرن بكيت
| |
ومسحت دموعي في كمي ومن ساعتها وعيت
| |
على اسم مصر
| |
مصر السما الفزدقي وعصافير معدية
| |
والقلة مملية ع الشباك .. مندية
| |
والجد قاعد مربع يقرا في الجرنال
| |
الكاتب المصري ذاته مندمج في مقال
| |
ومصر قدامه اكتر كلمة مقرية
| |
قريتها من قبل ما اكتب اسمي بإيديا
| |
ورسمتها في الخيال على أبدع الأشكال
| |
ونزلت أيام صبايا طفت كل مجال
| |
زي المنادي وفؤادي يرتجف بجلال
| |
على اسم مصر
| |
شفت الجبرتي بحرافيش الحسين وبولاق
| |
بإبن البلد ماشي زي النمس في الأسواق
| |
بالفلاحين ع المداخل من بعيد وقريب
| |
بالأرنؤوط بالشراكسة بكل صنف عجيب
| |
مترصصين سور رهيب مزراق
| |
في ريح مزراق
| |
كأنهم لا بشـر ولا خلقـة الخـلاق
| |
ومصر فلاحة تزرق بين رقيب ورقيب
| |
من غير أبو الهول ما ينهض ناهضة شايله حليب
| |
والصبح بدري الجبرتي ينام وقلمه يسيب
| |
على اسم مصر
|
